اسپتالوں کی اپ گریڈیشن کے ذریعے عوام کو بہتر سہولتیں فراہم کریں گے، سردار تنویر الیاس

سردار تنویر الیاس نے کہا ہے کہ اسپتالوں کی اپ گریڈیشن کے ذریعے عوام کو بہتر سہولتیں فراہم کریں گے۔

وزیراعظم آزاد جموں و کشمیر سردار تنویر الیاس سے ڈاکٹروں کے وفد نے ملاقات کی جس میں سردار تنویر الیاس نے کہا کہ آزاد جموں و کشمیر میں ہیلتھ ٹورازم کا بڑا پوٹینشل موجود ہے۔

انہوں نے کہا کہ صحت سے متعلق تعلیم میں کسی قسم کا سمجھوتہ نہیں ہونا چاہیے، ریسرچ کی بنیاد پر تعلیم کو آگے بڑھنا چاہیے، میڈیکل کالجز اخراجات پورے کرنے کیلئے سرمایہ وقف کرنے والوں پر مشتمل بورڈز بنائیں۔

سردار تنویر الیاس نے کہا ہے کہ حکومت کی اولین ترجیح صحت کی بہتر سہولتیں مہیا کرنا ہے، اسپتالوں کی اپ گریڈیشن کے ذریعے عوام کو بہتر سہولتیں فراہم کریں گے، عوام کو ہیلتھ کارڈ جاری کیے جائیں گے۔