عمران ویڈیو دکھائیں، سیکیورٹی کی ضمانت دیتی ہوں: مریم نواز

پاکستان مسلم لیگ ن کی نائب صدر مریم نواز شریف نے کہا کہ پہلے تو عمران خان نے چار سال کھیل کود میں ضائع کیے اور اب امتحان کے وقت چیخ و پکار شروع کر دی ہے۔

ان کے مطابق جب جعلی خط کی موت آئی تو پھر بین الاقوامی سازش آ گئی اور اب عوام کی ہمدردیاں سمیٹنے کے لیے ایک اور جھوٹ گھڑ کر لے آیا کہ میری جان خطرے میں ہے۔ ان کے مطابق اب عوام حساب مانگتی ہے۔

مریم نواز کے مطابق عمران خان جب اقتدار میں تھے تو نہ تو خط، نہ بین الاقوامی سازش تھی اور نہ جان کو خطرہ تھا۔ ان کے مطابق جب کارکردگی زیرو ہو تو پھر بچوں والے چھوٹے موٹے ڈرامے کرنا پڑتے ہیں۔

مریم نواز نے کہا عمران خان ویڈیو سامنے لائیں اور پھر نواز شریف کا ظرف دیکھنا کہ کیسے شہاز شریف سے بھی زیادہ نواز شریف تمھیں سیکیورٹی دیں گے۔

ان کے مطابق ہم اپنے بدترین دشمن کے لیے بھی موت کی دعا نہیں کرتے، اللہ کرے تم زندہ رہو اور نواز شریف کی کامیابیاں دیکھو۔ اللہ کرے تم زندہ رہے اور نواز شریف کی کامبیابیاں دیکھو اور دیکھ کر لوٹ پوٹ ہوتے رہو۔