آرمی چیف جنرل قمر جاوید باجوہ کا سیالکوٹ اور منگلا گیریژن کا الوداعی دورہ
آرمی چیف کی مختلف آپریشنز اور قدرتی آفات کے دوران بہترین کارکردگی پر فارمیشنز کی تعریف، جو بھی حالات ہوں جوش وجذبے کے ساتھ فرائض سرانجام دیتے رہیں۔ آرمی چیف جنرل قمر جاوید باجوہ
ثنااللہ ناگرہ
راولپنڈی – آرمی چیف جنرل قمر جاوید باجوہ نے سیالکوٹ کینٹ اور منگلا گیریژن کا الوداعی دورہ کیا، آرمی چیف جنرل قمر جاوید باجوہ نے کہا کہ جو بھی حالات ہوں جوش وجذبے کے ساتھ فرائض سرانجام دیتے رہیں۔
پاک فوج کے شعبہ تعلقات عامہ آئی ایس پی آر کے مطابق چیف آف آرمی سٹاف جنرل قمر جاوید باجوہ نے سیالکوٹ کینٹ اور منگلا گیریژن کا الوداعی دورہ کیا، آرمی چیف جنرل قمر جاوید باجوہ نے افسران اور جوانوں سے ملاقات کی ،آرمی چیف نے مختلف آپریشنز اور تربیت کے دوران فارمیشنز کی کارکردگی کو سراہا۔
آرمی چیف نے مختلف آپریشنز میں قدرتی آفات کے دوران بہترین کارکردگی پر فارمیشنز کو سراہا۔ آرمی چیف جنرل قمر جاوید باجوہ نے کہا کہ فوجی جوان ہر طرح کے حالات میں اسی جذبے اور عزم کے ساتھ قوم کی خدمت کرتے رہیں۔جو بھی حالات ہوں جوش وجذبے کے ساتھ فرائض سرانجام دیتے رہیں۔ آرمی چیف کا استقبال لیفٹیننٹ جنرل محمد عامر اور لیفٹیننٹ جنرل ایمن بلال صفدر نے کیا۔
