فیڈرل بورڈ آف ریونیو نے ’تاجر دوست اسپیشل پروسیجر 2024‘ کا نوٹیفیکیشن جاری کر دیا ہے۔
ایف بی آر کے نوٹیفیکیشن کے مطابق تاجر دوست اسپیشل پروسیجر 2024 کا اطلاق تاجروں اور دکانداروں پر ہو گا۔
اسکیم کے تحت تاجروں اور دکانداروں کی رجسٹریشن یکم اپریل سے ہوگی اور ماہانہ ایڈوانس انکم ٹیکس کی پہلی وصولی 15جولائی 2024 سے ہوگی۔
نوٹیفیکیشن کے مطابق ایڈوانس انکم ٹیکس کی 15 جولائی کے بعد ہر ماہ کی 15 تاریخ کو وصولی ہوگی اور اس کا اطلاق چھوٹے تاجروں، دکانداروں، ہول سیلرز اور ریٹیلرز پرہو گا۔
مینوفیکچررز کم ریٹیلرز، امپورٹر کم ریٹیلرز پر بھی اس اسکیم کا اطلاق ہوگا۔
رجسٹریشن کراچی، لاہور، پشاور، راولپنڈی، کوئٹہ اوراسلام آباد میں ہوگی، تاجروں اور دکانداروں کیلئے کم از کم ایڈوانس ٹیکس1200روپے ہوگا۔
تاجر،دکاندارموبائل ایپ یا ایف بی آر کےویب پورٹل پر رجسٹریشن کرا سکیں گے۔
ایف بی آر کے نوٹیفیکیشن کے مطابق رجسٹریشن ٹیکس سہولت سینٹروں کے ذریعے بھی ہوسکے گی، جبکہ رجسٹریشن کی آخری تاریخ 30 اپریل 2024 ہوگی۔
