امریکی وزیر خارجہ انٹونی بلنکن نے مشرق وسطیٰ کی سکیورٹی کے حوالے سے عراق کے نائب وزیر اعظم محمد علی تمیم سے گفتگو کی ہے۔
بلنکن نے تمیم سے کہا ہے کہ امریکہ ایران کے ساتھ تناؤ میں اضافہ نہیں چاہتا تاہم اسرائیل کے پاس حق دفاع ہے۔
تمیم نے عراق کی طرف سے اس تشویش کا اظہار کیا کہ خطے کو طویل جنگ کی جانب دھکیلا جا رہا ہے جس سے عالمی سکیورٹی اور تحفظ کو خطرہ لاحق ہوگا۔
امریکی دفتر خارجہ کے مطابق بلنکن نے اس معاملے پر مصر، سعودی عرب، اردن، ترکی، برطانیہ اور جرمنی میں بھی اپنے ہم منصب عہدیداران سے بات چیت کی ہے۔
