چنیوٹ (, ڈاکٹر شکیل خان) ایس پی انوسٹی گیشن محمد سلیم خٹک کی جامعہ مسجد گلزار مدینہ میں کھلی کچہری
کمیونٹی پولیسنگ کے فروغ،پبلک سروس ڈلیوری میں بہتری کیلئے اقدامات جاری ہیں،ایس پی انوسٹی گیشن
وزیراعلیٰ پنجاب محترمہ مریم نواز شریف کے وژن کے مطابق کمیونٹی پولیسنگ کے فروغ کیلئے اقدامات جاری ہیں۔ایس پی انوسٹی گیشن چنیوٹ محمد سلیم خٹک نے جمعتہ المبارک کے موقع پر جامعہ مسجد گلزار مدینہ میں کھلی کچہری لگائی۔کھلی کچہری میں ایس ایچ او تھانہ سٹی،انچارج کمپلینٹ سیل اوردیگر پولیس افسران اور نمازیوں کی کثیر تعداد موجود تھی۔ایس پی انوسٹی گیشن نے شہریوں کے مسائل سنے،مسائل کے حل کی یقین دہانی کروائی۔ایس پی انوسٹی گیشن نے متعلقہ افسران کو دادرسی یقینی بنانے کی ہدایت کی۔کمپلینٹ سیل کو درخواستوں کی دادرسی یقینی بنوا کرفالواپ رپورٹ پیش کرنے کی ہدایت کی گئی۔ایس پی انوسٹی گیشن نے پنجاب پولیس کی مختلف سروسز سے متلعق شرکاء کو بریفنگ دی۔ایس پی انوسٹی گیشن نے شرکاء سے خطاب کرتے ہوئے کہا کہ مسجد میں کھلی کچہری لگانا حضرت محمد ﷺ کی سنت ہے تاکہ آپ کے مسائل آپ کے پاس آکر سن کر حل کئے جائیں اور کمیونٹی پولیسنگ کو فروغ دیا جائے۔شہری معاشرتی،اخلاقی برائیوں و جرائم پیشہ عناصر سے متعلق اطلاع دے سکتے ہیں۔شہری پویس سے متلعقہ شکایت نوٹ کروا سکتے ہیں،انکی دادرسی یقینی بنائی جائے گی۔ایس پی انوسٹی گیشن چنیوٹ نے گفتگوکرتے ہوئے کہا کہ لوگوں کی جان و مال کی حفاظت،امن و امان کا قیام اولین ترجیح ہے۔تمام وسائل بروئے کار لاتے ہوئے پبلک سروس ڈلیوری میں بہتری کیلئے اقدامات جاری ہیں۔شہری کسی بھی مسئلے،پریشانی یا جرائم پیشہ عناصر سے متعلق ڈی پی او چنیوٹ کے نمبر 0323-7543444پر دے سکتے ہیں۔نمازیوں نے مساجد میں کھلی کچہریوں کے اقدام کو سراہا۔
ایس پی انوسٹی گیشن محمد سلیم خٹک کی جامعہ مسجد گلزار مدینہ میں کھلی کچہری
Share.
